Visítanos en FACEBOOK
 
Últimas Noticias
 
DÍA MUNDIAL DA BIODIVERSIDADE
16/05/2017

O próximo 22 de maio celébrase o Día Mundial da Biodiversidade.

Que é a biodiversidade?

A biodiversidade é a variedade da vida, resultado de catro mil millóns de anos de evolución.

Engloba todas as formas de vida da Terra: ecosistemas (bosques, desertos, zonas húmidas, mares...), animais, plantas, fungos, microorganismos e variedade xenética.
Esta riqueza natural non só xerou variedade en ecosistemas e seres vivos, senón que a relación dos humanos con ela deu lugar en todo o planeta á diversidade cultural e de saberes.

O país con maior diversidade biolóxica por quilómetro cadrado a escala mundial é Colombia, e en Europa é España, pois ten entre 55.000-60.000 especies de flora e fauna.

Esta abundancia débese a varios factores:
- Á situación xeográfica da Península Ibérica fai que goce de climas moi diferentes.
- Á multitude de relevos montañosos.
- A posuír illas con gran presenza de especies endémicas.
- Ao atraso de España no desenvolvemento económico, que permitiu manter extensións naturais ben conservadas.
Está comprobado que a biodiversidade é garantía de benestar e equilibrio na biosfera, xa que logo xera un medioambiente san do que dependemos nós. Por iso é polo que é básica para a nosa supervivencia e representa unha fonte potencial para fornecer as necesidades futuras.

Na Unión Europea a biodiversidade é calidade de vida e emprégase como índice xunto á esperanza de vida e o desemprego para medir o benestar e a sostibilidade das cidades.

Pero a diversidade biolóxica está ameazada, pois a escala mundial pérdense 30.000 especies ao ano. Sendo o número de especies ameazadas 6.213 peixes, 10.987 plantas, 3.401 aves, 3.105 mamíferos e o 31% dos bosques do mundo.

As principais causas da perda de riqueza son:

- 1º a destrución de hábitat.
- 2º a introdución de especies exóticas invasoras.
- 3º a sobreexplotación de especies.
- 4º a contaminación e o cambio climático.

O Grove aínda ten unha extraordinaria biodiversidade, non só de ecosistemas, senón tamén de especies. Proba diso é que gran parte do seu territorio está declarado Rede Natura 2000, ademais unha parte deste municipio está dentro do Complexo Ons-O Grove (espazo protexido de Galicia no que máis especies de aves se rexistraron) e conta coa maior reserva ornitolóxica de España de SEO/BirdLife.

22 de maio: Día Internacional da Biodiversidade. O Grove, un lugar idóneo para celebralo.

 
Añadir a: Yahoo Añadir a: Google Añadir a: Facebook Añadir a: Twitter
Castellano
Galego
English