Visítanos en FACEBOOK
 
Últimas Noticias
 
PON UN BUFO NO TEU XARDÍN
02/06/2017

Se dispós dun xardín na túa casa ou na túa comunidade de veciños, ou tes unha zona con árbores próxima, podes probar a ofrecerlle un aloxamento a esta graciosa e beneficiosa ave nocturna: o moucho de orellas.

O moucho de orellas (Otus scops) é o máis pequeno dos nosos bufos. É unha especie migradora transahariana, amplamente distribuída en España, cuxo hábitat principal son as zonas boscosas abertas e os medios agrícolas con árbores dispersas, aínda que tamén ocupa parques de vilas e cidades onde utiliza para nidificar boratos das árbores. Con todo, nos parques e xardíns as árbores enfermas adóitanse tallar por seguridade e ademais non son moi abundantes as árbores vellas.


O moucho de orellas no Grove é unha especie frecuente e repartida por boa parte do territorio, principalmente en zonas arboradas, polo que lle poderemos fabricar unha sinxela caixa niño de madeira que está dando moi bos resultados. Para iso dámosche as instrucións de fabricación das caixas.

00:00
00:20

 

 

Descargar instrucións CAIXA MOUCHO DE ORELLAS


 

Unha vez construída só terás que buscar unha árbore alta, a caixa debe estar a uns 4 m de altura, e colgarase na base dunha rama orientada preferentemente ao sur-surleste. Agora só queda que lle guste ao moucho das orellas.

 
Añadir a: Yahoo Añadir a: Google Añadir a: Facebook Añadir a: Twitter
Castellano
Galego
English