Visítanos en FACEBOOK
 
Últimas Noticias
 
Noticias
AVES DE PASO
01/09/2018

Hoxe estivemos na Toxa, illa bonita unida á península do Grove por unha ponte e famosa polas súas augas medicinais e os seus lodos termais.

Pero nós fomos con outra intención non menos interesante, a de ver o paso migratorio do outono das aves acuáticas, que desde os países máis nórdicos de Europa se dirixen ao continente africano a pasar o inverno, pero que nesta viaxe de miles de quilómetros fan un alto para repoñer forzas nos bancos de area, chairas fangosas e pradeiras mariñas de zostera que rodean a illa e onde se produce o milagre.

Desde o cómodo punto costeiro próximo ao aparcadoiro de autobuses do extremo SW da Toxa e co estado da marea baixando, observamos diferentes especies de aves de paso como patos, limícolas, garzas, cullereiros, corvos mariños e gaivotas, ademais dalgúns paseriformes.

Esta é a listaxe de aves que observamos:

 

Nome científico

Nome galego

Nome castelán

Phalacrocorax carbo

Corvo mariño grande

Cormorán grande

Egretta garceta

Garzota común

Garceta común

Ardea cinerea

Garza real

Garza real

Platalea leucorodia

Cullereiro

Espátula común

Anas platyrhynchos

Pato real

Ánade azulón

Haematopus ostralegus

Gavita

Ostrero euroasiático

Charadrius hyaticula

Píllara real

Chorlitejo grande

Pluvialis squatarola

Píldora cincenta

Chorlito gris

Arenaria interpres

Virapedras

Vuelvepiedras

Calidris alpina

Pilro común

Correlimos común

Actitis hypoleucos

Bilurico das rochas

Andarríos chico

Tringa totanus

Bilurico común

Archibebe común

Tringa nebularia

Bilurico claro

Archibebe claro

Limosa limosa

Mazarico rabinegro

Aguja colinegra

Limosa laponica

Mazarico rubio

Aguja colipinta

Numenius arquata

Mazarico real

Zarapito real

Numenius phaeopus

Mazarico chiador

Zarapito trinador

Chroicocephalos ridibundus

Gaivota chorona

Gaviota reidora

Larus michahellis

Gaivota patiamarela

Gaviota patiamarilla

Larus fusvus

Gaivota escura

Gaviota sombría

Larus marinus

Gaivotón

Gavión atlántico

Buteo buteo

Miñato común

Busardo ratonero

Columba palumbus

Pombo torcaz

Paloma torcaz

Streptopelia decaocto

Rula turca

Tórtola turca

Motacilla alba

Lavandeira branca

Lavandera blanca

Troglodytes troglodytes

Carriza común

Chochín común

Erithacus rubecula

Paporrubio europeo

Petirrojo europeo

Phoenicurus ochruros

Rabirrubio negro

Colirrojo tizón

Periparus ater

Ferreiriño negro

Carbonero garrapinos

Corvus corone

Corvo pequeno

Corneja negra

Sturnus unicolor

Estorniño negro

Estornino negro

Passer domesticus

Pardal común

Gorrión común

Carduelis chloris

Verderolo común

Verderón común

 

Setembro é un mes excepcional para observar as aves de paso e a Illa da Toxa, pertencente á Reserva Ornitolóxica de SEO/BirlLife, é o lugar idóneo para gozar deste espectáculo natural.

 


 
EL CHORLITEJO. DÍA. D.
17/08/2018

 
XORNADAS DE SENSIBILIZACIÓN E DIVULGACIÓN NA PRAIA DO GROVE
31/07/2018

Os domingos 22 e 29 de xullo celebramos dúas "Xornadas de Sensibilización e Divulgación" na praia do Grove onde temos pitos de píllara das dunas.

Despois de montar os telescopios e dirixilos á familia de píllaras da praia, os usuarios desta foron invitados polos voluntarios de SEO-Pontevedra e por membros do Concello do Grove da área de Medio Ambiente a descubrilos.


Durante dous días centos de persoas pasaron polos telescopios e a todos lles cambiaba a cara por un gran sorriso cando de súpeto vían tres poliños patilongos e de cor abrancazada corricando pola area. E non podían entender como uns seres tan indefensos saían adiante nun espazo tan ateigado de xente.


Explicóuselles a importancia de conservar esta especie ameazada, porque entre outras cousas é un bo indicador da saúde ambiental da praia, tamén o porqué de non levar cans, de deixar as algas na area ou de ser esta un dos poucos areais de Galicia que non ten papeleiras, e que os usuarios xa concienciados manteñen en perfecto estado.


Tamén lles repartimos folletos do "Grupo Píllara" e lles regalamos marcapáxinas ilustrados con píllaras das dunas, creados por SEO-Pontevedra.


Un ano máis estas accións resultan moi produtivas e cunha alta participación e están sendo un exemplo para copiar por outros concellos que tamén teñen esta especie protexida nas súas costas.

 
MÁIS PITOS DE PÍLLARA DAS DUNAS
14/07/2018

O día 8 de xullo naceron tres novos pitos de píllara das dunas, do niño 4 instalado na praia do Grove.

A día de hoxe aínda seguen vivos e están ben.

Dos polos das niñadas anteriores nados neste areal, só sobreviviu unha píllara, que xa abandonou a praia, aínda que ás veces chegan visitantes xuvenís de píllara das dunas nados noutros areais.

Xuvenil de píllara das dunas nado na praia de Louro e que visitou o noso areal. 10/07/2018. G. Ferreiro.

Desexamos que estes tres poliños tamén poidan chegar a voar, porque a pesar dos innumerables carteis que prohiben cans na praia...

 

...das continuas chamadas de atención por parte dos voluntarios de SEO-Pontevedra e dos vixilantes do espazo protexido...

 

...de varias multas da policia local...

e tendo un areal canino moi preto,  cada día xente incívica continúa levando cans por onde os poliños corren libres.

 

Can na praia onde hai píllara das dunas. 10/07/2018. G. Ferreiro.

É unha postura moi egoísta que as persoas non queiramos aceptar cal é a prioridade: se a dos nosos animais domésticos que non corren ningún risco de extinguirse ou a dos animais silvestres que teñen que sobrevivir por si sós nun mundo cada vez máis humanizado e que ademais están en perigo de desaparecer para sempre.

 

Poliño do niño 4. 14/07/2018. G. Ferreiro,

 
TURISMO SAUDABLE
02/07/2018

Paisaxe do Grove. E. González.

Nacións Unidas  considerou a importancia do Turismo Sustentable para o Desenvolvemento. Unha chamada de atención cara a un sector que xoga un papel esencial na economía de moitos países, entre eles España, e que cando non cumpre unhas regras mínimas de respecto ambiental carréxalle numerosos prexuízos á xente, aos hábitats e á biodiversidade.

O ecoturismo contribúe ao goce humano, á conservación da natureza e á cooperación socioambiental. Turismo, ademais, saudable, debido a que repercute de forma decidida no bo estado físico e mental das persoas e, por extensión, no emocional.

Nacións Unidas considera o turismo un importante motor de desenvolvemento sustentable nas súas tres dimensións –económica, social e ambiental–, ademais dun instrumento positivo para educar, erradicar a pobreza, protexer o medio ambiente, mellorar a calidade de vida, empoderar economicamente as mulleres e os mozos, e crear empregos decentes. Para poñer todo isto enriba da mesa alenta a todos os estados e responsables na toma de decisións a promover medidas, en particular mediante a cooperación internacional, mobilizando á vez os grupos de interese para facer do turismo un catalizador de cambio positivo.

SEO/BirdLife ten unha Rede de Reservas Ornitolóxicas formada por dez espazos que se distribúen pola xeografía nacional e sobre os que desenvolve distintas fórmulas de xestión ou relación con concellos ou propietarios privados. Case todas constitúen un claro destino de ornitoturismo. É o caso de Riet Vell, no Delta do Ebro; El Planerón, no val do Ebro; Las Marismas Blancas, en Astillero; Los Albardales, na Comunidade de Madrid, ou El Oso, na Moraña (Ávila). Nelas teñen lugar encontros e excursións ornitolóxicas, nas que se observan especies mariñas, esteparias, acuáticas, rapaces ou paseriformes.

Un destes dez espazos témolo en Galicia. É a Reserva Ornitolóxica do Grove, creada hai uns anos pola súa abundancia, diversidade de aves e calidade ambiental.

Esta reserva ornitolóxica situada na península do Grove cobre boa parte do termo municipal. É a reserva máis grande de España, a única en Galicia e a primeira que conta con medio mariño.

Na nosa reserva non só se pode gozar da fauna e das súas fermosas paisaxes, senón de moitos elementos máis que entran dentro dos intereses destas saídas campestres, nas que a miúdo se mesturan tamén aspectos etnográficos, culturais ou gastronómicos.

É a reserva idónea para practicar o turismo máis saudable.

Otanthus maritimus. Planta das dunas do Grove. E. González.

 
<< Inicio < Anterior 1 2 3 4 5 6 7 8 9 10 Seguinte > Final >>

JPAGE_CURRENT_OF_TOTAL
Añadir a: Yahoo Añadir a: Google Añadir a: Facebook Añadir a: Twitter
Castellano
Galego
English