Visítanos en FACEBOOK
 
Últimas Noticias
 
Noticias
PAXARIÑOS NA PRIMAVERA
17/04/2017

Bubela (Upupa epops). Ilustración de Encarna González "niño".

É a pequena península do Grove un lugar privilexiado desde o punto de vista natural.

Non só pola súa posición xeográfica, situada entre dúas rías, a de Pontevedra e a de Arousa, senón tamén pola súa diversidade paisaxística, onde destacan unha gran variedade de ambientes: medio mariño, dunas, costa rochosa, praias, enseadas, baías, illas e illotes, lagoas, montiños, campos de cultivo...

Todo iso fai que sexa un lugar ideal para observar miles de aves acuáticas e mariñas, sobre todo nos meses máis fríos e durante os pasos migratorios do outono e primavera, pero agora que comezan a aumentar as temperaturas e moitas destas aves han ir nidificar ao norte de Europa, os campos mecos énchense de cantos doutras viaxeiras, estas procedentes de África, do outro lado do deserto do Sahara: as esperadas andoriñas, bubelas, rulas comúns, cucos, avenoiteiras, cirrios comuns e pálidos, lavandeiras amarelas, picafollas ibéricos, folosas, falcóns pequenos, mouchos de orellas... aos que se lles unen as pequenas aves que residen todo o ano na nosa localidade e que nestes momentos alegran os campos coas súas melodías primaverais: paporrubios, ferreiriños comúns, negros, rabilongos, verderolos, pimpíns, cardeales, chascos, lavercas, xílgaros, azulentas, xiríns, gabeadores, picos, etc.

Para gozar destes animaliños tan agradecidos, nada mellor que dar paseos preferiblemente de mañá ou á tardiña pola pasarela que cruza a duna da Lanzada, polos bosques autóctonos do monte A Siradella ou polos lugares arborados da Illa da Toxa. Tamén polos montiños húmidos que rodean a Lagoa da Bodeira ou por San Vicente do Grove, onde aínda quedan campos de cultivo.

A parte grovense máis habitada tamén é boa para observar aves urbanas: pardais, merlos, rulas turcas, cirrios, rabirrubios ou gaivotas, deleitarannos sen ter que saír do centro.

En xeral, en espazos con hortas e xardíns, campo aberto ou onde haxa vexetación orixinaria da nosa rexión, poderemos ver ou escoitar as aves de primavera.


Durante estes paseos felices só teremos que ir atentos aos seus cantos e, se é posible, levar uns prismáticos e unha guía de aves comúns, que nos axudarán á súa identificación e goce.

Ferreiriño común (Cyanistes caeruleus). Ilustración de Encarna González "niño".

 
QUE É A REDE NATURA 2000 E QUE BENEFICIOS ACHEGA?
03/04/2017

Que é a Rede Natura 2000?
A Rede Natura 2000 é a rede de espazos protexidos máis extensa do mundo e a máis importante de Europa. A Unión Europea consta duns 26.000 espazos naturais pertencentes á Rede Natura.
.
España é o país de Europa que máis superficie achega, un 30% do noso territorio, isto é, uns 2.000 espazos naturais protexidos, o que demostra a gran biodiversidade do noso país.

Galicia está por baixo desta media, achegándolle só o 13% do seu territorio á Rede Natura, e iso non por ausencia de espazos de alto valor ecolóxico, senón por causas alleas á nosa riqueza natural.

Cando se creou e para que serve?
A Rede Natura 2000 creouse en 1992 e é o principal instrumento para a conservación da natureza na Unión Europea.
A súa finalidade é asegurar a supervivencia a longo prazo dos hábitats e as especies que os habitan, contribuíndo a deter a perda de biodiversidade.

Que tipo de espazos protexe?
A Rede Natura 2000 conserva zonas ZEC, que son zonas relativas á conservación de espazos naturais, e zonas ZEPA, zonas relativas á conservación das aves.

Que beneficios lle achega á sociedade?
Ademais da conservación da natureza, a rede Natura 2000 achégalle beneficios á sociedade: como garantía de saúde, calidade de vida ou benestar social.
Así proporciona almacenamento de carbono, formación do chan, polinización, calidade das augas, calidade do aire...

Tamén beneficia a saúde física e mental, diminuíndo a frecuencia cardíaca, a presión arterial e o risco de desenvolver enfermidades cardiovasculares, fortalece o sistema nervioso etc.
Fornece ademais alimentos naturais, ofrece escenarios para crear hábitos saudables, como son as actividades ao aire libre, relaxación e demais.
E para rematar, promove o desenvolvemento económico e o emprego, permitindo actividades produtivas tradicionais, recreativas e turísticas que respectan os valores naturais.

Que espazos son Rede Natura 2000 no Grove?
Boa parte do concello do Grove é Rede Natura 2000, o que demostra a gran riqueza en natureza que ten este municipio.

Os espazos Rede Natura 2000 do Grove son: o Complexo Intermareal Umia-O Grove, Monte Siradella, praia e istmo da Lanzada, Lagoa da Bodeira, praia e duna de Mexiloeira, costa oeste peninsular e todo o contorno mariño que rodea a península meca.
.
En todos estes lugares protexidos do Grove, as persoas que viven neles ou as que os gozan, atopan benestar, ademais de permitir actividades sostibles con moitas oportunidades de futuro.

Gocemos da Rede Natura 2000 do Grove porque é garantía de calidade de vida!


Mapa da Rede Natura 2000 do Grove.

 
"GRUPO PÍLLARA"
26/03/2017

A principios deste mes convocouse na Facultade de Bioloxía da Universidade de Santiago de Compostela a 1ª reunión 2017 do “Grupo Píllara”, grupo que se creou en 2015 e do que forman parte técnicos da Administración, investigadores da Universidade de Santiago, concelleira e técnico de Medio Ambiente do Concello do Grove e grupos conservacionistas como SEO-Pontevedra, SGO etc, e cuxo obxectivo é a protección da píllara dás dunas en toda a nosa comunidade.

As reunións, que se realizan cada ano, ademais de poñeren sobre a mesa os problemas cos que se enfrontou a píllara das dunas, teñen a finalidade de coordinar as actuacións do ano en curso do Plan de Conservación da Píllara das Dunas en Galicia.

Nesta reunión, a 3ª a nivel galego desde que se formou o “Grupo Píllara”, resaltouse o éxito global da tempada 2016, pola implicación da Administración e dos grupos conservacionistas, destacando a complicidade do Concello do Grove para que o manexo da Lanzada sexa compatible coa conservación da especie.

Esperamos que con estas intervencións a píllara das dunas non se vexa xa como un problema, senón como un privilexio, por contar con areais onde nidifica, xa que é un bioindicador da boa saúde que aínda teñen algunhas praias galegas.

 
“GRUPO PÍLLARA”
25/03/2017

A principios de este mes se convocó en la Facultad de Biología de la Universidad de Santiago de Compostela, la 1ª reunión 2017 del “Grupo Píllara", grupo que se creó en 2015 y del que forman parte técnicos de la Administración, investigadores de la Universidad de Santiago, Concejala y técnico de Medio Ambiente del Concello de O Grove y grupos conservacionistas como SEO-Pontevedra, SGO, etc, y cuyo objetivo es la protección del chorlitejo patinegro o píllara das dunas en toda nuestra comunidad.

Las reuniones, que se realizan cada año, además de poner sobre la mesa los problemas con los que se ha enfrentado el chorlitejo patinegro, tienen la finalidad de coordinar las actuaciones del año en curso del Plan de Conservación da Píllara das Dunas en Galicia.

En esta reunión, la 3ª a nivel gallego desde que se formó el “Grupo Píllara”, se ha resaltado el éxito global de la temporada 2016, por la implicación de la Administración y de los grupos conservacionistas, destacando la complicidad del ayuntamiento de O Grove para que el manejo de A Lanzada sea compatible con la conservación de la especie.

Esperamos que con estas intervenciones, el chorlitejo patinegro no se vea ya como un problema, sino como un privilegio, por contar con arenales donde nidifica, ya que es un bioindicador de la buena salud que todavía tienen algunas playas gallegas.


“GRUPO PÍLLARA”

A principios deste mes convocouse na Facultade de Bioloxía da Universidade de Santiago de Compostela a 1ª reunión 2017 do “Grupo Píllara”, grupo que se creou en 2015 e do que forman parte técnicos da Administración, investigadores da Universidade de Santiago, concelleira e técnico de Medio Ambiente do Concello do Grove e grupos conservacionistas como SEO-Pontevedra, SGO etc, e cuxo obxectivo é a protección da píllara dás dunas en toda a nosa comunidade.

.As reunións, que se realizan cada ano, ademais de poñeren sobre a mesa os problemas cos que se enfrontou a píllara das dunas, teñen a finalidade de coordinar as actuaciónsdo ano en curso do Plan de Conservación da Píllara das Dunas en Galicia.

Nesta reunión, a 3ª a nivel galego desde que se formou o “Grupo Píllara”, resaltouse o éxito global da tempada 2016, pola implicación da Administración e dos grupos conservacionistas, destacando a complicidade do Concello do Grove para que o manexo da Lanzada sexa compatible coa conservación da especie.

Esperamos que con estas intervencións, a píllara das dunas non se vexa xa como un problema, senón como un privilexio, por contar con areais onde nidifica, xa que é un bioindicador da boa saúde que aínda teñen algunhas praias galegas.

 
XII FEIRA INTERNACIONAL DE TURISMO ORNITOLÓXICO
01/03/2017

O Concello do Grove, por ser un territorio privilexiado para o turismo ornitolóxico, onde máis 18.000 aves acuáticas invernan nos seus espazos naturais, volveu a participar do 24 ao 26 de febreiro na Feira Internacional de Turismo Ornitolóxico, FIO 2017, no Parque Nacional de Monfragüe (Estremadura).

A FIO representa o certame dedicado ás aves máis importante de España e o segundo máis importante de Europa e recibe máis de 12.000 visitantes en cada edición.

Esta XII edición da FIO contou durante os tres días cun amplo e variado programa de actividades para satisfacer os amantes da natureza e as aves, desde os perfís máis profesionais, como fotógrafos, turoperadores, guías, ornitólogos ou propietarios de aloxamentos rurais, ao público infantil. Entre as actividades que ofrecían, destacaron as rutas guiadas pola comarca, os obradoiros infantís e en familia, o astroturismo, diversos concursos...

Tamén houbo conferencias e talleres de fotografía, xornadas técnicas sobre proxectos de conservación da natureza ou turismo e arredor de cen expositores de destinos ornitolóxicos, empresas turísticas, fabricantes e distribuidores de fotografía e óptica e organizacións conservacionistas.

A Feira Internacional de Turismo Ornitolóxico volveu a acoller un ano máis ao Concello do Grove, para mostrar a gran riqueza que posúe tanto en aves como en natureza..


 

 
<< Inicio < Anterior 1 2 3 4 5 6 7 8 9 10 Seguinte > Final >>

JPAGE_CURRENT_OF_TOTAL
Añadir a: Yahoo Añadir a: Google Añadir a: Facebook Añadir a: Twitter
Castellano
Galego
English