Visítanos en FACEBOOK
 
Últimas Noticias
 
Noticias
"GRUPO PÍLLARA"
26/03/2017

A principios deste mes convocouse na Facultade de Bioloxía da Universidade de Santiago de Compostela a 1ª reunión 2017 do “Grupo Píllara”, grupo que se creou en 2015 e do que forman parte técnicos da Administración, investigadores da Universidade de Santiago, concelleira e técnico de Medio Ambiente do Concello do Grove e grupos conservacionistas como SEO-Pontevedra, SGO etc, e cuxo obxectivo é a protección da píllara dás dunas en toda a nosa comunidade.

As reunións, que se realizan cada ano, ademais de poñeren sobre a mesa os problemas cos que se enfrontou a píllara das dunas, teñen a finalidade de coordinar as actuacións do ano en curso do Plan de Conservación da Píllara das Dunas en Galicia.

Nesta reunión, a 3ª a nivel galego desde que se formou o “Grupo Píllara”, resaltouse o éxito global da tempada 2016, pola implicación da Administración e dos grupos conservacionistas, destacando a complicidade do Concello do Grove para que o manexo da Lanzada sexa compatible coa conservación da especie.

Esperamos que con estas intervencións a píllara das dunas non se vexa xa como un problema, senón como un privilexio, por contar con areais onde nidifica, xa que é un bioindicador da boa saúde que aínda teñen algunhas praias galegas.

 
“GRUPO PÍLLARA”
25/03/2017

A principios de este mes se convocó en la Facultad de Biología de la Universidad de Santiago de Compostela, la 1ª reunión 2017 del “Grupo Píllara", grupo que se creó en 2015 y del que forman parte técnicos de la Administración, investigadores de la Universidad de Santiago, Concejala y técnico de Medio Ambiente del Concello de O Grove y grupos conservacionistas como SEO-Pontevedra, SGO, etc, y cuyo objetivo es la protección del chorlitejo patinegro o píllara das dunas en toda nuestra comunidad.

Las reuniones, que se realizan cada año, además de poner sobre la mesa los problemas con los que se ha enfrentado el chorlitejo patinegro, tienen la finalidad de coordinar las actuaciones del año en curso del Plan de Conservación da Píllara das Dunas en Galicia.

En esta reunión, la 3ª a nivel gallego desde que se formó el “Grupo Píllara”, se ha resaltado el éxito global de la temporada 2016, por la implicación de la Administración y de los grupos conservacionistas, destacando la complicidad del ayuntamiento de O Grove para que el manejo de A Lanzada sea compatible con la conservación de la especie.

Esperamos que con estas intervenciones, el chorlitejo patinegro no se vea ya como un problema, sino como un privilegio, por contar con arenales donde nidifica, ya que es un bioindicador de la buena salud que todavía tienen algunas playas gallegas.


“GRUPO PÍLLARA”

A principios deste mes convocouse na Facultade de Bioloxía da Universidade de Santiago de Compostela a 1ª reunión 2017 do “Grupo Píllara”, grupo que se creou en 2015 e do que forman parte técnicos da Administración, investigadores da Universidade de Santiago, concelleira e técnico de Medio Ambiente do Concello do Grove e grupos conservacionistas como SEO-Pontevedra, SGO etc, e cuxo obxectivo é a protección da píllara dás dunas en toda a nosa comunidade.

.As reunións, que se realizan cada ano, ademais de poñeren sobre a mesa os problemas cos que se enfrontou a píllara das dunas, teñen a finalidade de coordinar as actuaciónsdo ano en curso do Plan de Conservación da Píllara das Dunas en Galicia.

Nesta reunión, a 3ª a nivel galego desde que se formou o “Grupo Píllara”, resaltouse o éxito global da tempada 2016, pola implicación da Administración e dos grupos conservacionistas, destacando a complicidade do Concello do Grove para que o manexo da Lanzada sexa compatible coa conservación da especie.

Esperamos que con estas intervencións, a píllara das dunas non se vexa xa como un problema, senón como un privilexio, por contar con areais onde nidifica, xa que é un bioindicador da boa saúde que aínda teñen algunhas praias galegas.

 
XII FEIRA INTERNACIONAL DE TURISMO ORNITOLÓXICO
01/03/2017

O Concello do Grove, por ser un territorio privilexiado para o turismo ornitolóxico, onde máis 18.000 aves acuáticas invernan nos seus espazos naturais, volveu a participar do 24 ao 26 de febreiro na Feira Internacional de Turismo Ornitolóxico, FIO 2017, no Parque Nacional de Monfragüe (Estremadura).

A FIO representa o certame dedicado ás aves máis importante de España e o segundo máis importante de Europa e recibe máis de 12.000 visitantes en cada edición.

Esta XII edición da FIO contou durante os tres días cun amplo e variado programa de actividades para satisfacer os amantes da natureza e as aves, desde os perfís máis profesionais, como fotógrafos, turoperadores, guías, ornitólogos ou propietarios de aloxamentos rurais, ao público infantil. Entre as actividades que ofrecían, destacaron as rutas guiadas pola comarca, os obradoiros infantís e en familia, o astroturismo, diversos concursos...

Tamén houbo conferencias e talleres de fotografía, xornadas técnicas sobre proxectos de conservación da natureza ou turismo e arredor de cen expositores de destinos ornitolóxicos, empresas turísticas, fabricantes e distribuidores de fotografía e óptica e organizacións conservacionistas.

A Feira Internacional de Turismo Ornitolóxico volveu a acoller un ano máis ao Concello do Grove, para mostrar a gran riqueza que posúe tanto en aves como en natureza..


 

 
SEMANA DAS AVES
17/02/2017

Durante esta semana, por quinto ano consecutivo e baixo o lema “Coñecer para Conservar”, os alumnos de 5º curso dos colexios do Grove abandonaron as aulas para saír ao campo a coñecer a natureza e as aves da súa localidade.

Antes de iniciar a excursión, no seu centro escolar os nenos recibiron por parte de ornitólogos da Sociedade Española de Ornitoloxía (SEO), un curso de introdución ás aves adaptado á súa idade. Unha vez finalizado este, os escolares foron levados a un punto de observación da Reserva Ornitolóxica do Grove, concretamente á enseada do Vao, para poder observar as acuáticas que invernan neste espazo protexido e de alto valor ecolóxico.

Cada mozo cos seus prismáticos, o seu guía de aves e varios telescopios puido ver e anotar no caderno de campo as aves vistas durante a xornada. Aves tan emblemáticas e belas como os cullereiros, garzas reais, garzotas, píllaras reais, pilros comúns, píldoras cincentas, gabitas, biluricos, mazaricos, corvos mariños grandes, carráns cristados, gaivotas canas, etc, etc.


Durante estes días os máis pequenos do Grove puideron gozar e celebrar a súa particular Semana das Aves.


 

 
A LANZADA NO INVERNO
04/02/2017

Pentumeiro (Melanitta nigra). Ilustración de Encarna González "niño".

Durante estes meses invernais é moi interesante achegarse á baía da Lanzada para gozar das aves mariñas deste espazo natural.

Desde calquera punto costeiro do Grove que bordea esta baía, como a pasarela de madeira que atravesa o istmo da Lanzada, o miradoiro de Pantoeira, a costa de Raieros, Area da Cruz, Abeleira etc., poderemos observar animais do medio mariño como os mascatos (Morus bassanus), aves grandes que para pescaren se poden tirar desde unha altura de 40 metros. Animais tan fermosos como as mobellas, especies lacustres que nacen no extremo norte de Europa, pero que no inverno baixan ás costas máis meridionais europeas, volvéndose mariñas e costeiras. Entre eles temos na Lanzada mobellas grandes (Gavia immer), mobellas árticas (Gavia arctica), e algunha mobella pequena (Gavia stellata).

Tamén poderemos gozar dos pentumeiros (Melanitta nigra), parrulos mariños, negros e mergulladores e que na Lanzada adoitan moverse en grupos compactos. Este inverno entre os 160 negróns hai un pentumeiro careto (Melanitta perspicillata), parrulo raro errante de Norteamérica, pero algúns de cuxos exemplares visitan Galicia cada inverno.

Poderemos mirar carolos (Alca torda), pulcras aves brancas e negras, que para se mergullaren moven as ás coma se voasen baixo o mar, e algún mergullón de pescozo negro (Podiceps nigricollis), acuático e gordecho, que agora ten cores discretas en gris escuro, negro e branco.

Os corvos mariños, coñecidos por todos, abundan neste litoral. Tanto o corvo mariño grande (Phalacrocorax carbo), que pasa só estes meses na baía e o corvo mariño cristado (Phalacrocorax aristotelis), máis pequeno e, como comentamos noutras ocasións, especie que si nidifica nas nosas costas, pero que está ameazada, pois nos últimos anos sufriu un forte declive.

Non faltan variedade de gaivotas, entre as que destacan as bonitas cabecinegras (Larus melanocephalus), parecidas ás gaivotas choronas e as andoriñas de mar, chamadas así pola súa cola aforquillada e o seu voo errático como o carrán cristado (Sterna sandwicensis).

Tamén é posible observar nas rochas do norte desta baía distintas limícolas como os virpedras (Arenaria interpres) e outras que van descansar aos illotes durante a preamar: pilros tridáctilos (Calidris alba) e comúns (Calidris alpina), píllaras reais (Charadrius hiaticula), píldoras cincentas (Pluvialis squatarola), mazaricos chiadores, mazaricos rubios...

Non queremos esquecernos dos arroazes (Tursiops truncatus), que ás veces se aproximan a estas augas para alimentarse e que son todo un espectáculo.


Se nos achegamos ao Grove para gozar das aves do Complexo intermareal Umia-Ou Grove, acordémonos de dedicarlle un tempo á baía da Lanzada, por algo forma parte da Reserva Ornitolóxica de SEO/BirLife.

 
<< Inicio < Anterior 1 2 3 4 5 6 7 8 9 10 Seguinte > Final >>

JPAGE_CURRENT_OF_TOTAL
Añadir a: Yahoo Añadir a: Google Añadir a: Facebook Añadir a: Twitter
Castellano
Galego
English